الكرسي الساخن هذا الاسبوع

[/b]

مين قدوتك في الحياة ؟

بسم الله الرحمن الرحيم

*في وقت فراغي بقعد في النت.

*اللون المفضل احمر.

*طفولتي كانت احلي ايام طبعا انا اتربيت في وسط اولاد يعني كل طفولتي في الشارع بلعب مع الولاد بلعب معاهم كوره بسوق عجله في الشارع بي سباق كمان بنلعب بلي لكن لمن يجي زول يشاكلني لو بت ولا ولد بجي ابكي لي اخوي واكلمو يقول لي تاني ما تمشي تلعبي معاهم ويشاكلهم لي يعني حمايه لكن طبعا مع الايام اصبحت كلها زكريااااااااااااااات.

*والله يوم عيد الحب كنت مراقبه في اخر امتحان تجريبي لي ناس الشهاده وبعد الامتحان كان في حفله في المدرسه الكنت براقب فيها خلصت ومشيت بيتنا.

*ما كرهت اي زول في الدنيا ولا من طبعي الكراهيه.

*لا طبعا البنات السودانيات اتغيرو وكل جيل بتغير عن الجيل القبلو.

*الاكله المفضله بيتزا.

*الموقع فكره جميله وانشاء الله يستمر كده ويلم كل دفعه علوم حاسوب,طبعا اكيد موسس الموقع ايمن نمر,اجمل خبر لمن عرفت اني نجحت وخلصت جامعه السودان لانو كانت في مشاكل ما كل الناس عارفنها.

*اتمني اني حقق كل امنايتي واسعد اهلي واكون انا سعيده في حياتي.

*سر نجاح الموقع بالنسبه لي تواصل الشباب ونشوف اكتر من كده.

*اسواء خبر ايام كنا في مصر وعرفت انو اختي الصغيره حتعمل عمليه في الرئه كانت اسواء لحظات عشناها وعدت علي خير الحمد لله.

*صدقي العزيز دوماً ايهاب, اقول البعدو ولا بس كده, من غير سبب.

*اقول لي كل اعضاء الموقع انكم ما تتقطعو نهائي وده عمل جميل قام بيهو اخونا ايمن فلازم نحن نكون قدر العمل ده واتمني كل باقي الدفعه تشترك في الموقع.

*الاحراج.

*اسم تينا ما اخترتو انا جابو خالي وبقي الاسم ساير في العائله.

*قدوتي في الحياه والدي العزيز.