ملتقي شباب علوم حاسوب بجامعة السودان
بــكــل حــب وإحــتــرام وشــوق
نــســتــقــبــلك ونــفــرش طــريــقــك بــالــورد
ونــعــطــر حــبــر الــكــلــمــات بــالــمــســك والــعــنــبــر
ونــنــتــظــر الإبــداع مــع نــســمــات الــلــيــل وســكــونــه
لــتــصــل هــمــســات قــلــمــك إلــى قــلــوبــنــا وعــقــولــنــا
نــنــتــظــر بــوح قــلــمــك

فمرحبا بك عضوا في المنتدي ونتمنى ان تكون عضوا فعالا

ملتقي شباب علوم حاسوب بجامعة السودان

شبــابـي اجتماعـي ثقــافي
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول
تعلن ادارة ملتقي علوم حاسوب بجامعة السودان ان الكرسي الساخن يستضيف فيه السيد محمد المعتصم اوشي ونرجو كل من الاعضاء بالمنتدي تجهيز الاسئلة له
نناشدة من جميع الاخوة اعضاء ملتقي علوم حاسوب بالمشاركة في الحملة الدعوية لنشر فكرة المنتدى علي جميع الشباب وحثهم علي التسجيل والمشاركة في المنتدى حتى يتم نشره وتطويره بالصورة الجميلة ولكم كل الشكر والتقدير

شاطر | 
 

 شعر عبير خيري

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مهاد



عدد المساهمات : 18
نقاط : 24842
السٌّمعَة : -2
تاريخ التسجيل : 17/02/2010
العمر : 27

مُساهمةموضوع: شعر عبير خيري   الثلاثاء فبراير 23, 2010 9:46 pm

لافاني ليل نَفَسَكْ
وكَت ضمّيت عيون
وجع الرحيل
وقت السفر
هاجر معانا الطير
وخايف من وقوع النيل
بعد ما هز السحاب
الشال همومنا
وضاق عذابات المقيل
يا يمة ..
وين ماشي العمر
شايل فناجين قهوتك
لافينا بي ريحة البخور
والبُنّ يطقطق في حشاك
ضلعك جمر
ما قلت ليك أنا من زمان
خليني أبداهو السفر
قلتي زفة ..
وقلتي زغرودة ومطر
قلت ليك شان الوجع
خليني أبداهو السفر
لا يمة ردت
لا بديت أنا .. لا المطر
وجيت أحكي ليك
شايلة الدفاتر والعَلَم
رسلت ليك ..
يوم شلت كفن الأمنيات
ما قلت ليك دايراك تجي ؟
ما قلت ليك أنا والدموع
قاعدين علي رمل الشتات
جلسة أدب
في ضل طقوس الإغتراب
نقرا العذاب
في ركعة الحرف الألف
والريح تجيب لينا الرزاز
ونندفن
يفضل طرف توب الدموع
مكتوب عليهو :
لامن تجي ..
أكتب علي القبر النحيب
"أمونة" يا ليل الخراب
"أمونة" يا بت من ألِف

(2)
وبتقول أضحكي !
كيف الضحك
وسط الهموم
الحايمة ترسم في الوشوش
خطين سحاب
والخدود غرقانة دم
العيون خامة التراب
وأمونة بين كل السجون
كايسالها باب
محبوسة بي تهمة شرف
مكتوب كتاب
كيف الضحك ؟

(3)
كيف الضحك
وأمونة من يوم ما وعت
لابسة الهموم ومكدرة
وساعة الفرح تلقى الدموع
نازلها بأنينها تذكرها
تهمس تقول ما تفرحي ..
ما تضحكي ..
الفرحة جات متأخرة
أنسيها خليك في الخراب
عايني الغيوم ما أكترها
شوفي العيال
نص الطريق رامينهم
شوفي البراءة مكسره
آآآآخ ..
أمونة كان ضحكت بيبكي منو ؟.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبير خيري



عدد المساهمات : 1
نقاط : 21831
السٌّمعَة : 0
تاريخ التسجيل : 12/12/2010

مُساهمةموضوع: رد: شعر عبير خيري   الجمعة ديسمبر 17, 2010 5:25 am

.

أخي مهاد

تحية بجمال منتداكم

وشكرا على اقتباس بعض من روحي

صادف تاريخ اقتباسك عيد ميلادي

واعتبر هذه الاشادة اجمل ما قدم لي في ذاك اليوم

تقبل تحياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شعر عبير خيري
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقي شباب علوم حاسوب بجامعة السودان :: قسم الشعــر والادب :: قسم النثر والخواطر-
انتقل الى: