ملتقي شباب علوم حاسوب بجامعة السودان
بــكــل حــب وإحــتــرام وشــوق
نــســتــقــبــلك ونــفــرش طــريــقــك بــالــورد
ونــعــطــر حــبــر الــكــلــمــات بــالــمــســك والــعــنــبــر
ونــنــتــظــر الإبــداع مــع نــســمــات الــلــيــل وســكــونــه
لــتــصــل هــمــســات قــلــمــك إلــى قــلــوبــنــا وعــقــولــنــا
نــنــتــظــر بــوح قــلــمــك

فمرحبا بك عضوا في المنتدي ونتمنى ان تكون عضوا فعالا

ملتقي شباب علوم حاسوب بجامعة السودان

شبــابـي اجتماعـي ثقــافي
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول
تعلن ادارة ملتقي علوم حاسوب بجامعة السودان ان الكرسي الساخن يستضيف فيه السيد محمد المعتصم اوشي ونرجو كل من الاعضاء بالمنتدي تجهيز الاسئلة له
نناشدة من جميع الاخوة اعضاء ملتقي علوم حاسوب بالمشاركة في الحملة الدعوية لنشر فكرة المنتدى علي جميع الشباب وحثهم علي التسجيل والمشاركة في المنتدى حتى يتم نشره وتطويره بالصورة الجميلة ولكم كل الشكر والتقدير

شاطر | 
 

 الشكلة دورت عديل كده

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبدالرحمن الامين



عدد المساهمات : 69
نقاط : 24073
السٌّمعَة : 0
تاريخ التسجيل : 16/05/2010
العمر : 32

مُساهمةموضوع: الشكلة دورت عديل كده   الأحد يونيو 06, 2010 5:10 pm

الشكلة قامت:


هيييييههههيييييييييى....
.... حليلكم أنتو يا ناس الإشلاق يا الما سمعتو بى السير يلاك ....
... سُكنة قطاطي ومستوي واطي... شِراكم قطّاعي وركوبكم النقل الجماعي...
...بششششششتنة و الناس متمحنة ..قهر و فراق أهل..... نببببببببرة و نستبرة و ما نسكن جبرة..

يا الديّامة يا حطب القيامة.. يا ناس أمبدة , البِفطُر فيكم ما بتغدّى ..
يا البتستحمّوا بى موية العِدّة !!!... عشوائى جدّة ولا فِلل أمبدّة ...!!..دا مستوي داير دَوا !!
يخخخخخسسسسسسى و مرض نفسى ...

هيييييييييييييييييييييييى ...

لا كرعيننا رقاق و لا مولودين فى زقاق ..
أولاد عوااااااااايل و عندنا فايل ....
ربّونا فى الإمتداد و حبينا فى البلاط.... ولدونا فى الدايات و قرينا فى الراهبات....
.نححححححححححححمدو..... نحن نشتّت و خلق الله تلقّط ..
البنريدو بنولع ليو اللمبة.. و الما بنريدو بنحرش ليو الكلبة !!
ساكنين الخرطوم , محل الرئيس بنوم , والطيارة بتقوم , والجكس بِحوم ....
أولادنا لابسين الجِنز وحالقين مارِنز..اولاد راستا ..وعشانا باسطة..وشٌغلنا واسطة ..
ما بنتردّى , ونلبس الشدّة ... لا بنركب الركشات , ولا بندخل غُرف الشَات..
بنعرف الذوق ,ومستوانا فوق .... بناكل المنقة و ما بنعرف الزنقة .. بنعرف الجكس , وما بنركب التكس..
اسكيلنا عالي ,ومهرنا غالي..
و مناسبين ناس أمدرمان , العصيرهم رٌمّان , و شارعهم شيكان , و محطّتهم شقلبان !!
.. و مصاحبين ناس بحرى البيخلطوا فى الكوبرى ..كوبرى شمبات المكسّر بالجمبات ,بى تحت موية و بى فوق عربات !!!..
عصيرهم ، أناناس و ما بيضايقوا الناس!!
.. عشا ن كدا أعملى لاين و أقيفى بهايند.... و أفهميها... أعملى شخيط و اقيفى بعيد ..
سجم و كمان عدم فهم؟؟ يا بجم يا ولادة الندم ؟!!..

...هييييييييييييييييى و تااانى هييييييييييييى و تانى و تانى هيييييييييييييييييى....

ما تكُبّى الريحة و تعملى تفتيحة , و تخلينا نقيف ليك فى طرف المعلقة و نورّيك الصعلقة ..
هييييييى إتلمّى يا البتقعى و ما بتسمّى ..يا جرجير يا وسخ الزير ... بالنهار تسبّحى , وبالليل تضبّحى ..
كان جبل طلعناو و كان عسل لحسناو ..

.هووووووووووووى.... تنبزينى أنا يا كرور يا وسخ الخور !!... يا اللُقمة الفِى الزور !!
يا شوكة الحوت اللا بتتبلع لا بتفوت لا بتخلّى الزول يموت !!.. يا تربيزة الجزارة يا اللامّة الوسخ و الزفارة !! ..
والله دى ق ص ّة و دايرة حصّة !!
هييييييييييييييييييى
أخير ليييييك فتحى عينك قدر الريال و خلّى أضانك قدر العقال ...
ما تخلينى أدق الصفايح و أطلع الفضايح... و أقيف ليك فى الحوش و أنفُض الكَلُوش !!!
... يا مرة يا مجنونة يا شبه حجر الطاحونة !!...يا ليمونة و عاملة فرعونة !!!
... هيييييهييييييييييييييييييييييي ....
غادى غادى الجزام بعادى ...يا القاعدة برّة للأذى و المضرّة ..
.. يا الككوية يا أم جضوماً موية.. .يا السوقِك بايِر ودمِّك فايِر..
...الشمس ضربتِك و الرجال أبتِك !!!!!
القطر فاتِك و الزمن شاتِك.....
يا الفى الحفلة ما عبّروك...... ناس الفيديو فطّوك و ناس العَشا نطّوك....
الزمن خَرَتِك... و الضِحِك شَرَطِك.....
يا الوزّعتى صورتك و ما فكّيتى بورتك !!..
قطرِك صفّر وسوّاقُو طفّر...

هييييييييييييى.....
خِفّة و شعر تِفّة ... مرجخيص و النبق الرخيييص ,, جابوهو بالجمعة وباعوهو بالخميس..
براااانا بنعرف مستوانا ...
برستييييج يا ناس أريج .... و إستااايل يا ناس وائل ...
ما ناس الدمار و رفع الأريال فوق بيت الإيجار ...
ناس الشمار و البوبار ..
ناس الشوبار و عدم الدبار...
د يل خسارة الداية و تعب السماية .......
بطااااااااطس و مستوى غااااااطس ....

هيييييييييييييييييييييى

....بَنَضورة و كشفنا دورها....
قرفة و عدم عرفة... بستلّة و حايمة فى الحِلّة...
كركدى و ما عرفنا ليه ... بامبَى و أبى ينجض لَى ...
نحن الغدا ريجييم و التحلية إيسكريييم.....
متعلّمييين.. من ما قمنا بين الكراريييس ... الفطور فى لندن و العشا فى باريس ..
سمعتنا و مصاريف جامعتنا .. حبّونا وفى الحدائق ما شرّونا ...!!
.. لابسين الموضات و راكبين العربات , مقاعدنا سوستة وسواقنا اوسطى !!
البيابانا بنوصّف ليهو غلط.. و البريدنا بنقطّعو الزلط.........
قناااابل فى محطّة البلابل..

هييييييييييييييييى...
جقر جقر يا كمونية البقر!!!! .. يا الغليدة , شرّابة المديدة !!!
إنشالله تدخل عليك بالساحق و الماحق و البلا المتلاحق ,, بركة الجمعة الجامعة و الكلمة السامعة !!بركة سيد البريّة و تيران بدريّة !!...
قولى آآآمين .. إنشالله تاكلى الضب السمين , بالكسرة و العجين !!
عشان تعرفى شُغل الدفِس البلا نَفِس.. ..
يا الراخية أضانك و ما ناقشة حنانك ,إنتى يا الطيرة المبارية السيرة ..!!!
نفسياات و عدم إمكانياات...شِدّة و بَدَل عِدّة.....
والله دى قصّة و آخرها لسّة ..!!

هييييييييييييييييييييييييى يا ...
عاملة راسك زى المكوة .. و جضمك زى كيس الدكوة....الشعر مضفّر و الوش محفّر ... حسّة دا وش وللا طش ؟؟؟
يا المقطّعة هدومك و مادّة قدّومك ...حسّة دا قدّوم لكّوم وللا كد دوم ؟؟!!
يا التِبِش البِقى يمِش !!صارّة وشّك و مادّة كرشِك !!! يا شارع الزلط المركب غلط !!
دى شلاليف وللا مجارى خريف ؟؟!! .. ديل ***** وللا عيونى كعبات ؟؟!!
هو العسل إلاّ ينقّط والقرد إلاّ ينطّط..؟؟
يخخخخخخخخخخسى و مرض نفسى ..!!!

كوااارع و حايمة فى الشاارع....
مكرووونا و ما عرفنا لونا....

*******

هووووووووووى يا أخوها انت الجابك شنو ؟؟؟؟!!

لسّة ما خلّيت الشلاقة , والمتاوقة بالطاقة .. ؟؟!!
عارفنّك شليق , و بتشرب بالإبريق ..
يا زول الصَقَت جا ..خلَّى عندك ذووق..
الباب مقفول يللا نط بى فووق...!!
أخير ليك تلاوِز و ما تجى تحاجِز !!!
و أحسن ليك تتدسّة و ما تخرب الرصّة ... كان قُلتا أخ , الليلة بتِتلَخ !!
يا النسيت ناسك و فقدتَ إحساسك ...
شِن جدَّ فى المخدّة ؟؟... التنجيد ولّلا الكيس الجديد ؟؟؟
يا راجل يا كشَا مشَا.. يا العزموك فطور جيت عشَا....
يا الدقّيت بابنا و أكلتَ كبابنا ..تشرب شايينا و تكسّر كبابينا !!
يا ناصل و ما عارف الحاصل ..!!
هووووووى يا أب رِدا ... وشّك كِدا ؟ وللا خَرَبو الشِتا ؟؟ ... أجيب ليك عيشة تقرّضا ؟ وللا مخدّة تنجّدا ؟
طويل يا سلك الغسيل .. يا شمّاسى يا ظهر الكراسى...
هبّهاااااان ووسخ بيان...
بتدّى ولا بتعضّى ؟؟... يا كِجِنكِى , يا مسمار الزِنكى ..
عامل لَى فيها تفتيييحة و شايل مفاتيييحها...؟؟
كان إنت واقع من السما ,نحن اللزّيناك ... و كان مزروع فى الأرض , نحن الغزّيناك !!

هيييييهييييييييييييي يا ..
ما تقعد تنقنِق و عُضامك تطقطِق ...
إنت واقع من لورى شطّة ؟ وللا فاتتك المحطّة ؟؟!! ..
ما تعمل لَى فيها خطيييير و بتستحمّى بى موية الزيييير ... يللا كِش عشان نقدر نمِش ..
ما تقعد تعاين و تطفّش الزباين ... و أوع تِنفَرّا و تمرُقنا بى برّة .. ولّلا تتمطّى و تكشّح فينا الشطّة ..
يا الكاتلاك السخانة , و ما شُفت الحضانة ..عيشتك كلّها فوضى , و ما دخّلوك الروضة !!
يخخخخخخسى و مرض نفسى ..

هييييييييييييى.....وتاااااانى هييييييييييييى ...
هيييييييي يا هاء , يا همزة على ياء ...!
ما تخلّينى أورّيك المغطّى و ملان شطّة ... يا بتاع البوبار يا البتخمّس السجار ..
القميص جمايكا .. و الصلعة فورمايكا....
الأضان هبّابة ... و الفَلَجَة بوّابة..
الجبهة سبّّورة .. و النخرة ماسورة..
شوفوا البوز الما ضاق الموز!! .. اليدّين مساويك , والكرعين مفاريك ..
ما تعمل فيها شِفِت و ممسّح بالزِفِت ..
كان إنت ضربتا السما جير ,, نحن أدّينا الهوا بوهية, و ضربنا النجوم مَنَكير !!
أطََفَّر ؟؟ وللا بتدفِّر < ;؟؟..نجى بالدَرِِب وللا فيه كلِب ؟؟؟
مرّة تجوط , ومرّة كاتم صوت ..
..يا بايركس , يا ما بتعجب الجكس ..
يا المن قمت ما باسوك , و يا الرُحت و أهلك ما كاسوك !!
يخخخخخسسسسى و مرض نفسى ..

هييييييييييييييي هييييي ..
صحى الرجال ماتوا فى كررى , و الباقين فى تايتنك ..
تانى ما أشوفك قدّامى يا المصيرك تتشنِق ..
وقع ليك ؟ وللا أعيدو ليك ؟
يللا زحّوا الإتنين كدا ,وخشّوا جُحُركم الدنيا شتا ..
شبهييينا و إتلاقينا.....
يا جيران السواد , و نقيصة الزاد ..
خلاص نسينا سيرتكم , ورمينا طوبتكم ..
صحى ناس ناس .. و ناس أنناس ...
و ناس أذى للناس ...


ادونا رايكم:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
aymen_medd
المدير العام
المدير العام


عدد المساهمات : 199
نقاط : 25348
السٌّمعَة : 10
تاريخ التسجيل : 14/02/2010
العمر : 33

مُساهمةموضوع: مبااااااااااااااااااااااالغة   الأحد يونيو 06, 2010 7:18 pm

مباااااااااااااااااااااالغة
غايتو الله يكذب الشينة والله طلعت من علبك عديييييييييييييييييييييييييييييييييل
لكن برضو بنشكرك علي المساهمات والي الامــــــــــــــــــام



lol! lol! lol! lol! lol! lol!

_________________
aymen medd
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://it-sust.yoo7.com
عبدالرحمن الامين



عدد المساهمات : 69
نقاط : 24073
السٌّمعَة : 0
تاريخ التسجيل : 16/05/2010
العمر : 32

مُساهمةموضوع: رد: الشكلة دورت عديل كده   الأحد يونيو 06, 2010 7:39 pm

هههههههههههه؟؟؟؟مشكور صديقي العزيز ايمن ومن صاحب قوم اربعين يوما؟؟؟؟ Very Happy Very Happy Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الشكلة دورت عديل كده
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ملتقي شباب علوم حاسوب بجامعة السودان :: قسم الشعــر والادب :: قسم النثر والخواطر-
انتقل الى: